Gazetarja Mira Kazhani dhe motra e saj Besa ishin të ftuara pasditen e djeshme në emisionin “Ftesë në 5”, në “Top Channel”, ku kanë folur gjatë për marrëdhënin mes tyre, karrierën dhe jetën personale.
Gjatë emisionit është hapur edhe tema e beqarisë së Mirës e cila tha gjatë emisionit se ndoshta për këtë e ka pak fajin edhe vetë.
Në një moment në humor e sipër Mira tha se në fakt nuk ka kërkesa, megjithatë edhe pretendimet e saj nuk janë shumë të mëdha.
Duke folur mbi këtë temë Mira tha gjithashtu se ndoshta e ka edhe pak fajin vetë, duke qënë se e dashuron profesionin e saj dhe ky profesion ndoshta e ka penguar të ketë njohje të reja, duke qëndruar vazhdimisht në të njëjtin rreth njerëzish.
Megjithatë gazetarja tha se nuk e ka aspak problem faktin që është ende beqare edhe pse dikur në familje kjo ishte tema e ditës.
Link: https://www.youtube.com/watch?v=LyXfPl7pRY0&feature=player_embedded
Burimi i fotos: https://www.instagram.com/p/B3tr57WJAVC/