Brenda vilës luksoze të Ermalit, këngëtari sjell pamjet nga salloni gjigand dhe këndi i pianos

Ermal Fejzullahu së bashku të shoqen dhe fëmijët prej kohës janë izoluar në vilën e tyre në Brezovicë.

Si këngëtarin ashtu edhe të shoqen i kemi parë shpesh të postojnë video e foto kryesisht nga ambjentet e jashtme të vilës e cila ka një pamje vërtetë relaksuese në mes të natyrës.

Por këtë herë këngëtari ka ndarë me ndjekësit e tij disa nga ambjentet brenda vilës ku mbizotëron ngjyra kafe dhe bezhë.

Ai ka treguar një pjesë të sallonit gjigand ku gjithçka është e dekoruar me shije.

Ndërsa më pas ka publikuar edhe një video të shkurtër nga vendi ku ndodhet pianoja, sipër së cilës shohim foto të familjes si dhe një pikturë mjaft interesante në mur.

Për shkak të situatës së krijuar prej COVID-19, këngëtari ka marrë një periudhë pushimi, duke e shfrytëzuar këtë kohë i izoluar me familjen në Brezovicë.

Link: https://www.instagram.com/ermal.fejzullahu/

Burimi i fotos: https://www.instagram.com/p/B61D2xHBxcl/