Futbollisti i njohur Christian Eriksen u rrëzua papritur në mes të fushës duke humbur ndjenjat. E gjithë kjo ndodhi gjatë ndeshjes së zhvilluar kundër Finlandës në Copenhagen.
Të gjithë kolegët e tij mbetën të tronditur nga kjo situatë e vështirë që u gjenden papritur.
Sipas raportimeve futbollisti përjetoi një arrest kardiak, por fatmirësisht arriti të merrte në kohë ndihmën mjkësore dhe i shpëtoi rrezikut të madh.
Menjëherë pas këtij momenti UEFA njoftoi ndërprerjen e ndeshjes duke u shprehur se përballja do të shtyhet për shkak të një emergjence mjekësore.
Pas dërgimit në spital, agjenti i futbollistit, Martin Schoots, ka deklaruar se Eriksen është në gjendje të mirë shëndetësore, merr frymë dhe mund të flasë.
Më pas ka reaguar vetë futbollisti duke thënë:
‘Faleminderit. Nuk do dorëzohem, ndihem më mirë tani, por dua të kuptoj se çfarë ndodhi. Dua t’ju falenderoj për gjithçka bëtë për mua’, është shprehur futbollisti.
Burimi i fotos: https://www.instagram.com/p/CM2qSZ3grRH/