Aktorja Esmeralda Metkaj ose siç e njohim të gjithë si Cubi e njohur për karakterin e saj energjik dhe batutat e këndshme, është rikthyer në ekran në programin e humorit “Klanifornia”.
Së fundmi ajo ka qenë e ftuar në emisionin “Natën me Aulonën” ku mes të tjerash është ngacmuar nga moderatorja edhe për jetën e saj personale.
Aktorja fillimisht refuzoi të jepte detaje, por deklaroi vetëm se është e dashuruar.
“Unë preferoj të mos flas për jetën time personale, nuk kam folur kurrë. Di vetëm të them që jam e dashuruar dhe kaq,”-është shprehur ajo.
Por më vonë, përgjatë emisionit Aulona ka insistuar për të mësuar diçka në lidhje me personin që i ka rrëmbyer zemrën aktores,
“Unë e di që nuk do të flasësh për marrëdhënien, por do të flasim në përgjithësi, pa e ditur kush është ai,”-është shprehur Aulona.
Në atë moment ka ndërhyrë Esmeralda, përgjigjja e së cilës ka shtangur moderatoren.
“Mund të jetë dhe ajo. Jetojmë në botën e lirë,”– thotë aktorja duke qeshur.
Nuk dihet nëse është e vërtetë apo thjesht një strategji e zgjuar e përdorur nga aktorja për t’iu larguar pyetjes.
Link: https://youtu.be/7K3cJOSz02k
Burimi i fotos: https://www.instagram.com/p/Ce_p-BAKamq/?utm_source=ig_web_copy_link