Burrat dhe gratë kanë njëlloj të ngjarë të jenë infertilë, megjithatë më pak se gjysma e burrave besojnë se kjo është kryesisht një “çështje e një gruaje”, sipas një studimi.
Historikisht, vëmendja rreth infertilitetit është përqendruar kryesisht te gratë, megjithatë 50 për qind e problemeve të fertilitetit brenda një marrëdhënieje heteroseksuale mund të jetë për shkak të infertilitetit mashkullor.
Pothuajse një e pesta (18 për qind) e burrave, megjithatë, mendojnë se gratë kanë më shumë gjasa të përjetojnë probleme të fertilitetit, sugjerojnë gjetjet e reja nga kompania “Apryl”, ndërsa 22 për qind nuk janë vërtet të sigurt nëse problemet e fertilitetit ndikojnë tek burrat apo gratë.
Përafërsisht shtatë për qind e meshkujve përjetojnë infertilitet, por më pak se gjysma e të intervistuarve (44 për qind) janë të vetëdijshëm për çështjet që mund të ndikojnë në fertilitetin e meshkujve.
Shumica e të anketuarve meshkuj (56 për qind) thanë gjithashtu se nuk ishin aspak të shqetësuar për fertilitetin e tyre, në krahasim, 40 për qind e grave thanë se ishin.
Sipas Organizatës Botërore të Shëndetësisë (OBSH), infertiliteti është “një sëmundje e sistemit riprodhues të mashkullit apo femrës, e përcaktuar nga dështimi për të arritur një shtatzëni pas 12 muajsh ose më shumë të marrëdhënieve të rregullta seksuale të pambrojtura”.
Foto: Freepek.com