Kanye West shfaqet me proteza të reja të dhëmbëve prej titani, investim që i kushtoi plot 850 mijë dollarë

Rep artisti, Kanye West shfaqi një figurë mbresëlënëse së fundmi, teksa u pa duke treguar protezat e tij të reja prej titani, derisa po rrinte me Chris Rock dhe gruan e tij Bianca Censori.

Kanye, 46-vjeçar buzëqeshi dhe zbuloi pamjen e tij super klas, që thuhet se ka kushtuar jo më pak se 850 mijë dollarë.

Një burim zbuloi për DailyMail, se West kishte projektuar vetë protezat e lëmuara.

Ai i hoqi dhëmbët dhe i zëvendësoi me titan për të krijuar pamjen e re të përhershme, e cila shkëlqente në dritë.

Ndërkohë, Chris duket se po bashkohej me zogjtë e dashurisë për një drekë në Chateau Marmont., i cili ka qenë i preferuari i të famshëmve për dekada.

Kanye ishte gjithashtu i lumtur që pa Chris bazuar në buzëqeshjen e gjerë në fytyrën e tij, ai u fotografua duke u mbështetur për një përqafim të dashur, pasi Chris hyri në dhomë.

Chris dukej i angazhuar në bisedë dhe mund të shihej gjithashtu duke buzëqeshur, por Kanye dhe Bianca dukeshin të dy disi të hutuar.

Të dy mbanin telefonat në duar dhe të dy ndaluan për t’i parë në disa pika ndërsa ishin ende në bisedë me aktorin e humorit.

Përveçse janë miq, Kanye dhe Chris janë edhe ish-bashkëpunëtorë.

Ylli stand-up u shfaq në albumin ikonik të rep artistit të vitit 2010 “My Beautiful Dark Twisted Fantasy” në këngën “Blame Game”.

Në vitin 2022, në vazhdën e sjelljes së çuditshme të Kanye pas ndarjes së tij nga ish-gruaja Kim Kardashian, Chris mbrojti producentin kur u pyet nëse Kanye ishte ‘i çmendur’ në podcastin “Fly On The Wall” të Dana Carvey dhe David Spade.

“Ai është një djalë i çuditshëm, e dini? Me Kanye unë përshtatem gjithmonë. ‘A ia vlen ai?’. Dhe unë jam si, ‘Deri tani – po’”, tha ai.

Linku: https://www.instagram.com/stories/kanyewest/

Foto: https://www.instagram.com/stories/kanyewest/