Aktori i njohur i “Euphoria” Angus Cloud ka ndërruar jetë në moshën 25-vjeçare në shtëpinë e familjes së tij në Oakland, Kaliforni.
Lajmin e trishtë e ka bërë të ditur vetë familja e aktorit përmes një deklarate.
“Me zemër të thyer na u desh t’i themi lamtumirë një njeriu të jashtëzakonshëm sot.”- tha familja e tij.
Ndonëse familja e Cloud nuk e zbuloi shkakun e vdekjes së të birit, së fundmi TMZ si dhe ET raportuan se nëna e aktorit kishte bërë një telefonatë në orën 11:30 të mëngjesit.
Në telefonatën e bërë nga nëna e Cloud, ajo ka kërkuar ndihmën e urgjencës duke thënë se i biri ishte në gjendje të rëndë për shkak të mbidozës nga lëndët narkotike.
Pavarësisht këtij informacioni nga këto media, ende nuk ka një konfirmim zyrtar për shkakun e vdekjes së aktorit nga ndonjë pjestar i familjes.
Kujtojmë që babai i aktorit u nda nga jeta javën e kaluar dhe ishte në një “betejë me shëndetin mendor”.
Linku: https://www.npr.org/2023/08/01/1191261463/angus-cloud-euphoria-fezco-fez-dead
Foto: Freepek.com