Ka plotë 20 vite në krye të emisionit “Opinion” dhe prej vitesh vazhdon të jetë një konkurrent i fortë për programet e tjera. Drini Zeqo është një nga pjesëtarët e stafit me të cilin moderatori dhe gazetari Blendi Fevziu punon prej kohësh tashmë.
I ftuar këtë të shtunë në emisionin “Thumb” nga Aulona dhe Fatma, gazetari ka rrëfyer më shumë mbi marrëdhënien e tyre. Dy moderatoret e kanë pyetur Drinin nëse e mendon ndonjëherë se ndoshta është koha që Fevziu të dalë në pension dhe vendin e tij ta zërë brezi i ri i gazetarëve.
“E kam menduar, por ai se ka në plan fare. Edhe ai po ta dëgjojë këtë do thotë ç’e kanë në terezi këta. “Opinion”-i më pëlqen por unë dua diçka më afër spektaklit. Nuk jam njeriu që vendos rregulla strikte si Blendi dhe ai vërtet ia del.”,- ka rrëfyer një ndër më të vjetrit në “Opinion”.
Link: https://youtu.be/24Rvx-pCVtI?t=423
Burimi i fotos kryesore: https://www.instagram.com/p/BhgwBwUnz-_/?taken-by=drini.zeqo