Arbana Osmani do të bëhet shumë shpejt nënë për herë të dytë me regjisorin e emisionit “Dua të të bëj të lumtur”, Eduard Grishaj.
Ajo e dha vetë e para lajmin e shtatëzanisë në ditën e saj të lindjes, por deri tani nuk ka zbuluar detaje të tjera.
Moderatoren ndërkaq e shohim vazhdimisht të postojë gatime të saj, por fansat i kanë thënë se disa ushqime nuk duhet të konsumohen nga një grua shtatëzanë.
Duke qenë se këto mesazhe kanë qenë të shumta, moderatorja ka vendosur të sqarojë të gjithë se në fakt jo çdo gjë që gatuan e konsumon edhe vetë.
Ajo thotë se gatuan për familjarët dhe miqtë e saj dhe se do të ishte e mërzitshme nëse do të publikonte vetëm ushqimet e saj të shëndetshme.
Arbana thotë gjithashtu se shtatëzania është një rrugëtim shumë i bukur dhe personal të cilin ajo ka vendosur ta mbajë privat edhe sa i takon ushqimit.
Link: https://www.instagram.com/arbanao/
Burimi i fotos: https://www.instagram.com/p/CBqqy6uAY4H/