Bota e modës në zi! Ndahet nga jeta sipërmarrësi i njohur

Ndahet nga jeta në moshën 91-vjeçare pionieri italian i modës Nino Cerruti.

Dizajneri dhe sipërmarrësi italian i modës Nino Cerruti vdiq të shtunën në moshën 91-vjeçare.

Ai vdiq në spitalin në Vercelli, Itali, ku u shtrua në spital për një operacion në kofshë.

‘Për familjen, miqtë, bashkëpunëtorët dhe punonjësit e Lanificio Cerruti dhe gjithë botën e modës italiane, sot është një ditë shumë e trishtuar, për shkak të vdekjes së Signor Nino-s’, thuhet në deklaratën e kompanisë Lanificio Fratelli Cerruti të postuar në Facebook.

I lindur në Biella të Italisë, më 25 shtator 1930, në një familje industrialistësh tekstili, Cerruti trashëgoi kompaninë familjare në moshën 20 vjeçare me vdekjen e të atit, sipas biografisë së tij të publikuar në faqen e Lanificio Cerrutit.

Në vitin 1967, ai hapi butikun e parë Cerruti 1881 në Place de la Madeleine në Paris. Në mesin e viteve 1960, Cerruti “bashkëpunoi me emra të rinj në modë italiane, duke marrë si stilistë “rookie” të kalibrit të Giorgio Armani”, thuhet në të, duke shtuar se në vitet 1970, ai krijoi xhaketën e parë të dekonstruktuar.

Linku: https://edition.cnn.com/style/article/italy-fashion-menswear-nino-cerruti-death-scli-intl/index.html

Burimi i fotos: unsplash.com