Këngëtarja me famë botërore, Pink e ndaloi performancën e saj në një koncert të fundit në Londër pasi u përball me të papriturën.
Një fanse hodhi në skenë një çantë me hirin e nënës së saj.
Këngëtarja e “Raise Your Glass” e ka marrë me qetësi, ndonëse duket kuptueshëm se është hutuar nga e gjithë ngjarja.
“Kjo është nëna juaj?” Dëgjohet Pink duke pyetur në një video teksa merrte çantën. “Unë nuk e di se si ndihem për këtë.”
43-vjeçarja eci me çantën në pjesën e përparme të skenës dhe e vendosi atë përpara se të vazhdonte të këndonte “Just Like a Pill”.
Pink po performonte në BST Hyde Park në Londër si pjesë e turneut të saj Summer Carnival, me dy takime në vend të shtunën dhe të dielën.
Ajo ka shpërndarë një video përmbledhjeje në Instagram. “@bsthydepark është gëzimi i jetës sime të luaj me të gjithë ju. Jam mirënjohëse për këtë”, ka shkruar ajo.
Incidenti i hedhjes së hirit nuk ishte përfshirë në videon e saj.
Burimi i fotos: freepik.com