Babai i Lady Gaga-s, Joe Germanotta, po mbledh fqinjët e tij për të përballuar “imigrantët e bezdisshëm” që jetojnë pranë restorantit dhe shtëpisë së tij në Upper West Side të New York.
66-vjeçari pretendon se ata kanë pushtuar lagjen e tij dhe madje thotë se po sjellin prostituta në zonë.
Kjo filloi të ndodhte kur hoteli Stratford Arms, një bllok larg shtëpisë së tij, u shndërrua në një strehë për qindra emigrantë. Germanotta përpilon një raport të shqetësimeve të banorëve lokalë për sjelljen e emigrantëve në zonë. Më pas ai planifikon të kontaktojë policinë.
Biznesmeni ka jetuar në ndërtesën The Pythian në West 70th Street për 35 vjet. Atje ai rriti vajzat e tij Stefani – e njohur si Lady Gaga – dhe Natali. Në vitin 2012, ai hapi një restorant në zonë.
“Tani në këtë konvikt jetojnë 500 emigrantë. Aty filloi kaosi”. Që nga konvertimi, Germanotta thotë se jeta në zonë ka marrë një goditje, me festa të improvizuara në bllok që zgjasin deri në orët e para të mëngjesit.
Si ai ashtu edhe fqinjët kërkojnë nga policia që të marrë masa dhe të zgjidhë problemin.Restoranti kritikoi kryebashkiakun për trajtimin e krizës së emigracionit.
Foto: https://www.instagram.com/ladygaga/?hl=en