Atë e ngrenë vajzat e djemtë në gëzime e përkujtime, e mbajnë në kraharor ushtarakët dhe sportistët që e nderojnë me performancën e tyre. E kemi parë në “San Siro”, “Allianz Arena”, “Santiago Bernabeu”, në “Kullën Eifel” e në një pafundësi objektesh me famë botërore.
Por kujt do t’i shkonte mendja se do ta shihnim në një vend ku bëjnë provat legjendat e gjalla të heavy-metal-it botëror.
Grupi Metallica, ka publikuar në Insta-Story një video gjatë provave duke luajtur “Shortest Straw”, njërën nga këngët e tyre të hershme, teksa pas krahëve të Kirk Hammet gjendet i shpalosur flamuri kombëtar shqiptar.
Bëhet fjalë për flamurin që kanë marrë dhuratë gjatë një koncerti, nga një fans i zjarrtë i grupit i cili quhet Ervin Gjonaj. Të cilit fansat e metalit i detyrohen një falenderim jo modest.
Link: https://www.instagram.com/metallica/
Burimi i fotos kryesore: https://www.facebook.com/photo.php?fbid=10155334032203369&set=a.444634503368.221930.759333368&type=3&theater